Curb Marking | ຄວາມໝາຍຂອງເບຕົງຂອບທາງ

ເຄື່ອງໝາຍຈະລາຈອນຕາມແທ່ງເບຕົງຂອບທາງ (Curb Markings)

ເຄື່ອງໝາຍຈະລາຈອນຕາມແທ່ງເບຕົງຂອບທາງມີລັກສະນະເປັນແຖບສີຕ່າງໆ ສະຫຼັບກັບສີຂາວຕາມທາງເບຕົງຂອບທາງ (Curb) ຊຶ່ງຄວາມສູງຂອງແທ່ງເບຕົງຂອບທາງຈາກໜ້າທາງແລ່ນລົດແມ່ນ 18 ຊັງຕີແມັດ ແລະ ຄວາມສຸງຂອງແທ່ງເບຕົງຢູ່ຈຸດຂອບວົງວຽນແມ່ນ 18 ຊັງຕີແມັດ (ແຕ່ຕ້ອງກໍ່ຂອບວົງວຽນອີກຊັ້ນໜຶ່ງຕິດກັບຂອບແທ່ງເບຕົງຂອບທາງ ໂດຍມີຄວາມສູງຈາກຂອບແທ່ງເບຕົງຂື້ນມາແມ່ນ 30 ຊັງຕິແມັດ ຫາ 40 ຊັງຕິແມັດ ຫຼື ຖັດຈາກແທ່ງເບຕົງຂອບທາງແມ່ນອອກແບບເປັນທາງຄົນຍ່າງ.

ຈາກນັ້ນ, ຈື່ງກໍ່ຂອບວົງວຽນຂື້ນມາສູງ 30 ຊັງຕີແມັດ ແລະ ອາດຈະມີການຕົບແຕ່ງຕ່າງໆຂື້ນກັບການອອກແບບ), ເຄື່ອງໝາຍຈະລາຈອນຕາມທ່າງເບຕົງຂອບທາງໄດ້ສະແດງໃນໃນຮູບຂ້າງເທິງ ໂດຍແຕ່ລະແຖບສີ (ລວມທັງສີຂາວພ້ອມ) ມີຄວາມກວ້າງແຖບ 30 ຊັງຕິແມັດ ສຳລັບທາງຫຼວງໃນເມືອງ ແລະ 60 ຊັງຕິແມັດ ສຳລັບທາງຫຼວງນອກເມືອງ. ເບຕົງຂອບທາງປະຈຸບັນນິຍົມນຳໃຊ້ມີຢູ່ 3 ລັກສະນະຄື:

1. ເຄື່ອງໝາຍຫ້າມຢຸດລົດ ສີແດງສະຫຼັບຂາວ (No Stopping Markings)

ມິລັກສະນະເປັນແຖບສີແດງສະຫຼັບຂາວ ສະແດງທີ່ແທ່ງເບຕົງຂອບທາງ ຫຼື ຂອບທາງດ້ານຂວາຂອງທາງແລ່ນລົດ ຫຼື ທີ່ອື່ນໆ ໂດຍຫ້າມບໍ່ໃຫ້ຜູ້ຂັບຂີ່ຢຸດລົດ ຫຼື ຈອດລົດທຸກຊະນິດລະຫ່ວາງແລວເຂດທີ່ກຳນົດນັ້ນຢ່າງເດັດຂາດ.

2. ເຄື່ອງໝາຍຈອດລົດ ສີເຫຼືອງສະຫຼັບຂາວ (No Parking Markings)

ມີລັກສະນະເປັນແຖບສີເຫຼືອງສະຫຼັບຂາວ ສະແດງທີ່ແທ່ງເບຕົງຂອບທາງ ຫຼື ຂອບທາງດ້ານຂວາຂອງທາງແລ່ນລົດ ຫຼື ທີ່ອື່ນໆ ໂດຍຫ້າມບໍ່ໃຫ້ຜູ້ຂັບຂີ່ຈອດລົດທຸກຊະນິດລະຫ່ວາງແລວເຂດທີ່ກຳນົດ,ແຕ່ສາມາດຢຸດຮັບສົ່ງຄົນ ຫຼື ສິ່ງຂອງຊົ່ວຂະນະ (ບໍ່ເກີນ 3 ນາທີ).

ການຢຸດລົດ ໝາຍເຖິງ: ຢຸດການເຄຶ່ອນໄຫວຍານພາຫະນະຕາມເສັ້ນທາງ ຫຼື ຖະໜົນ ໃນເວລາອັນສັ້ນໂດຍບໍ່ມອດຈັກລົດ ແລະ ຜູ້ຂັບຂີ່ຕ້ອງປະຈຳຢູ່ຕຳແໜ່ງຂອງຄົນຂັບ.

ການຈອດລົດ ໝາຍເຖິງ: ຢຸດການເຄື່ອນໄຫວຍານພາຫະນະຕາມເສັ້ນທາງ ຫຼື ຖະໜົນ ໂດຍມອດຈັກລົດແລະ ຜູ້ຂັບຂີ່ສາມາດອອກຈາກຍານພາຫະນະໄດ້.

3.  ເຄື່ອງໝາຍສີດຳສະຫຼັບຂາວ (Black-White Curb Markings)

ມີລັກສະນະເປັນແຖບສີດຳສະຫຼັບຂາວ ຢູ່ຕາມແທ່ງເບຕົງຂອງຂອບທາງ ຫຼື ສຶ່ງກີດຂວາງອື່ນໆ ເພື່ອໃຫ້ຜູ້ຂັບຂີ່ເຫັນແທ່ງເບຕົງຂອບທາງ ຫຼື ຕຳແໜ່ງສິ່ງກີດຂວາງທີ່ເປັນອຸປະສັກຕໍ່ການສັນຈອນນັ້ນໄດ້ຊັດເຈນຍິ່ງຂື້ນ. ເຄື່ອງໝາຍສີດຳສະຫຼັບຂາວແມ່ນໃຊ້ເພື່ອສະແດງຕຳແໜ່ງສິ່ງກີດຂວາງໃນບໍລິເວນຫົວດອນ, ທາງແຍກ, ຂອບທາງແລ່ນລົດ ແລະ ບໍລິເວນອື່ໆ ທີ່ຕອງການໃຫ້ເຫັນຄວາມຊັດເຈນຂອງແທ່ງເບຕົງຂອບທາງ. ສຳລັບການທີຈອດລົດໄດ້ ຫຼື ບໍ່? ຢູ່ໃນຂອບເຂດໃດໜຶ່ງນັ້ນ ແມ່ນໃຫ້ປະຕິບັດຕາມປ້າຍບັງຄັບທີ່ໃຊ້ໃນຂອບເຂດດັ່ງກ່າວເປັນຫຼັກ.